| 23-11-2009 (一) 今日心情好難形容.... 放學返到屋企知道左五舅母出事.....好唔開心.........原以為最壞消息, 之後又得知一個令人振奮的消息, 即使大家要耐心等候奇蹟既出現....另外唔開心係因為一入屋我好激動咁同阿媽講野, 對唔住... 之後明白到, 愛要及時, 生有時, 死有時...... 我叫阿爸阿媽以後要少d鬧交, 少d激動.....同埋真係要做下body check.....我自己都係要再少d激動..... 當我好正經聽阿媽講野時, kamman又好唔知死咁好playful咁打黎講野, 我又再好激動咁唔同佢講野, 阿媽都仲反過黎叫我唔洗咁叫佢收線......見阿媽咁, 我又好guilty咁樣對kamman.... 夜晚睇報紙, 有一篇講到.....近排好多喜事, 係因為我地踏入要結婚生仔既歲數, 所以呢d事情會好一陣子時常出現......但係, 到左另一個年齡, 又會好一陣子成日做白事, 因為我地又踏入另一個階段....講開又明, 我想講, 我自己以前一直好白痴唸, 以為其實年年都實有喜事, 只不過衣家自己大個喇, 工作喇,有$喇, 所以禮就自己俾, 所以好覺明顯多左呢d宴會同開支, 以前唔覺只不過係因為阿媽會幫手俾自己果份, 因為果時仲細......睇完呢篇先明原來唔關事有冇工作能力事........同埋最可悲既係, 你, 到左老既時候, 就會係成日搞白事........我........真係冇唸過.....但呢個係事實..... 跟住, 又俾我發現阿媽個頭好唔舒服, 我實在又一次忽略了對佢既關心......2個月了.....如果我一早幫佢睇下個頭皮, 可能佢已經去左睇醫生醫好左......今次實在係我唔岩. 同朋友一號傾開, 又先知道, 人原來真係好化學........身邊人既生死, 原來大家都那麼遠, 這麼近........ 還有, 原來人的感情, 也可以很化學. 夜了, kamman又再一次打俾我, 我依然係冇時間同佢傾我今日想同佢講既野, 我又係用好趕住佢收線既語氣.....其實我可以唔洗丫.....要努力改過至得...... 頭先, 佢問我嬲完佢未, 我答未, 佢問我係咪要佢帶住好傷痛既心情去訓覺, 我答係....佢今日一d都唔知我發生過咩事, 佢依然用佢好playful既心情問我可唔可以唔嬲, 我再唸, even佢playful and carefree, 我都唔想答佢我係未嬲完佢黎訓囉......因為我唔想唔開心咁end每一句對話喇.....自從今日之後 最後, 我答左佢我原諒左佢喇..... 係真係由心咁原諒左佢.... 何必為少事而留有唔開心既心情去做夢呢??????????????? 希望我地任何人第日做任何事都係珍惜每一分每一秒每一刻每一人啦! |
